“ᖃᐅᔨᑎᑦᓯᒍᑏᑦ ᖁᑦᓯᑐᒧᑦ ᐊᐅᓪᓛᑎᑕᕕᓃᑦ ᑮᓇᐅᔭᖁᑎᖏᓐᓄᑦ ᐃᓚᐅᔪᓂᒃ – ᑐᓴᕐᑎᓯᓂᕐᒧᑦ ᑮᓇᐅᔭᓕᕆᐅᑎᓄᑦ ᑐᑭᓯᒪᐅᑎᑦᓴᖏᓐᓄᑦ
ᐅᑦᑑᐱᕆ 19, 2017
ᓂᕆᐅᒋᔭᐅᓕᕐᑎᓗᒍ ᖁᑦᓯᑐᒧᑦ ᐊᐅᓪᓛᑎᑕᕕᓃᑦ ᑮᓇᐅᔭᖁᑎᖏᑦ ᓄᕐᖃᑎᑕᐅᓚᖓᓕᕐᓂᖏᓐᓂᒃ ᐊᒻᒪᓗ ᐃᓂᓪᓓᒋᐊᓪᓚᕈᑎᐅᓂᐊᕐᑐᒧᑦ ᖁᑦᓯᑐᒧᑦ ᐊᐅᓪᓛᑎᑕᕕᓃᑦ ᐃᓚᖏᑦᑕ ᑮᓇᐅᔭᖁᑎᖏᓐᓂᒃ, ᑖᒃᑯᐊ ᐊᐅᓪᓛᑎᑕᕕᓃᑦ ᑮᓇᐅᔭᖁᑎᖏᓐᓂᒃ ᑲᒪᔩᑦ ᖃᐅᔨᑎᑦᓯᒍᒪᔪᑦ ᐃᓚᐅᔪᐃᑦ ᑕᒪᒃᑯᓇᓂ ᐅᓪᓘᓚᖓᔪᕐᓂ, ᓄᐃᑦᓯᓚᖓᒐᑦᑕ ᑭᖑᓪᓕᐹᒥ ᑮᓇᐅᔭᓕᕆᐅᑎᐅᓚᖓᔪᓂᒃ ᑖᒃᑯᓄᖓ ᖁᑦᓯᑐᒧᑦ ᐊᐅᓪᓛᑎᑕᕕᓃᑦ ᑮᓇᐅᔭᖁᑎᖏᓐᓂᒃ, ᐃᓚᖃᕐᑐᓂᒃ ᑮᓇᐅᔭᖏᑦᑕ ᐊᓪᓚᖁᑎᒋᓯᒪᔭᖏᓐᓂᒃ ᐱᒋᐊᖕᖓᓂᖓᓂᑦ ᐱᒋᐊᕐᑎᓗᒋᑦ ᐊᒻᒪᓗ ᐊᓯᖏᓐᓂᒃ ᑮᓇᐅᔭᓕᕆᐅᑎᐅᒻᒥᔪᕐᓄᑦ.
ᖃᕆᑕᐅᔭᕐᓅᔦᒍᓐᓇᐳᑎᑦ ᑮᓇᐅᔭᓕᕆᐅᑏᑦ ᑐᑭᓯᒪᐅᑎᑦᓴᖏᓐᓂᒃ ᐊᑐᕐᓗᒍ Adobe Acrobat PDF ᐅᕙᖕᖓᑦ www.makivik.org/hart-harpt/final-accounting
ᑮᓇᐅᔭᓕᕆᐅᑎᓄᑦ ᑐᑭᓯᒪᐅᑎᑦᓴᕆᐊᓪᓚᓂᒃ ᓄᐃᑕᐅᔪᖃᕐᓂᐊᑐᖅ ᑕᒪᒃᑯᓇᓂ ᐅᓪᓗᓂ ᐱᓇᓱᐊᕈᓯᕐᓂᓗ ᙯᔪᕐᓂᒃ ᐱᔭᕆᐊᓕᓐᓂᒃ.
ᑐᑭᓯᒪᐅᑎᑦᓭᑦ ᓄᐃᑕᐅᓂᐊᕐᑐᑦ ᓂᕆᔭᐅᔪᖃᕐᑎᓗᒍ ᐃᕐᖃᑐᐃᔨᒃᑰᑎᑦᓯᒍᑎᓂᒃ ᑯᐯᒃᑯᑦ ᐃᕐᖃᑐᐃᔨᒻᒪᕆᖓᑎᒍᑦ ᐃᓂᓪᓓᒋᐊᓪᓚᕈᑎᐅᓂᐊᕐᑐᒧᑦ ᖁᑦᓯᑐᒧᑦ ᐊᐅᓪᓛᑎᑕᕕᓃᑦ ᑮᓇᐅᔭᖁᑎᖏᓐᓂᒃ. ᐊᖏᕐᑕᐅᐸᑕ ᐃᕐᖃᑐᐃᔨᓄᑦ, ᑭᖑᓪᓕᐹᒥ ᐊᒡᒍᑐᐃᒍᑎᐅᓂᐊᕐᑐᐃᑦ ᐱᒋᐊᕐᑎᑕᐅᓂᐊᕐᑐᑦ ᑭᖑᓂᐊᒍᑦ.
ᓇᑯᕐᒦᒃ
ᖁᑦᓯᑐᒧᑦ ᐊᐅᓪᓛᑎᑕᕕᓃᑦ ᑮᓇᐅᔭᖁᑎᖏᓐᓂᒃ ᑲᒪᔩᑦ