ᒪᑭᕝᕕᒥ ᖃᓄᐃᓕᖓᓂᖓ
ᑲᓀᑎᐊᓐ ᓄᐊᑦ ᐊᑐᕐᑕᐅᓂᕐᐸᐅᕗᖅ ᖃᖓᑦᑕᔫᓕᒫᓂᑦ ᐊᕐᕕᑕᕐᑐᓄᑦ ᐅᓯᑦᑕᕆᐊᖃᕐᓂᒧᓪᓗ ᑕᖅᕋᒥ ᓄᓇᓕᓐᓂ. ᒥᑦᓴᐅᓵᕐᓱᒋᑦ 350,000 ᐅᖓᑖᓅᕐᑐᓂᒃ ᐃᓄᑦᑕᖃᑦᑕᓲᖅ 25 ᒥᓕᐊᓐ ᑭᓗᑯᕌᒻᓗ ᐅᖓᑖᓅᕐᑐᓂᒃ ᐅᓯᓯᒪᓕᕐᓱᓂ ᐊᓪᓚᓯᒪᔪᕐᑖᕆᔭᐅᔪᓂᓗ ᖃᖓᑕᕕᒋᓲᓕᒫᒥᓂ, 25-ᓄᑦ ᓄᓇᓕᓐᓄᑦ ᐁᑎᕋᕐᓱᓂ ᓯᕿᓂᕐᒧᓗ ᐊᑐᒑᒧᑦ, ᒪᓐᑐᕆᐊᓪᒧᑦ. ᒍᐃᓂᐯᒃᒧᑦ ᐃᐊᑦᒪᓐᑕᓐᒧᓪᓗ.
ᑲᓀᑎᐊᓐ ᓄᐊᑦ ᓄᐃᑕᐅᓯᒪᔪᖅ ᐊᑕᐅᓯᖕᖑᑎᑕᐅᑎᓪᓗᒋᒃ ᕘᔅᑎᐊᓗ ᑲᓀᑎᐊᓐ ᓄᐊᑦᓗ 2019-ᒥ. ᕘᔅᑎᐊ ᐱᒋᐊᕐᑎᑕᐅᓯᒪᔪᖅ ᐅᔭᔅ ᐳᔮᑦᓕᒧᑦ ᐊᑐᒑᒥ, ᐊᓐᑎᐊᕆᐅᒥ 1946-ᒍᑎᓪᓗᒍ, ᐳᔮᑦᓕ ᖃᖓᑦᑕᔫᓕᕆᓂᕐᒥᒃ ᐊᑦᓯᔭᐅᓯᒪᑦᓱᓂ, ᑭᖑᓂᐊᐱᖓᒍᓪᓗ ᐅᑭᐅᕐᑕᑐᒥᒃ ᑕᑯᒋᐅᕆᐊᕐᑐᑐᓄᑦ ᐃᑲᔪᕐᓯᒪᔨᐅᖃᑦᑕᓯᔪᕕᓂᐅᑦᓱᓂ. ᐊᑐᕐᑕᐅᕙᓪᓕᐊᓯᑐᐃᓐᓇᓱᓂ ᖁᑦᓯᑐᒥ ᑲᓇᑕᐅᑉ ᐅᑭᐅᕐᑕᑐᖓᓂ. 1973-ᒥ, ᐊᓯᑦᔩᓕᕐᑐᕕᓂᖅ ᐊᑦᓯᔭᐅᒍᓯᒥᓂᒃ ᕗᔅᑎᐊᖕᖑᓱᒍ.
ᒪᑭᕝᕕᒧᑦ ᓂᐅᕕᐊᕆᔭᕕᓂᖅ ᕗᔅᑎᐊ 1990-ᒥ, ᐅᑭᐅᕐᑕᑐᒥ ᐃᓄᒃᑕᑎᐅᖃᑕᐅᓚᖓᓯᑎᓪᓗᒍ ᐅᓯᑦᑕᑎᐅᖃᑕᐅᓗᓂᓗ, ᐊᑦᑕᑐᕐᑕᐅᕙᓚᖓᓗᓂᓗ. ᐊᑕᐅᓯᖕᖑᑎᑕᐅᖃᑕᐅᒍᒪᒐᔭᕐᓂᖓ ᓄᑖᑉ ᑲᓀᑎᐊᓐ ᓄᐊᑦ ᐅᖃᕈᑕᐅᓚᐅᕐᓯᒪᕗᖅ ᒪᑭᕝᕕᒧᑦ ᐃᓄᕕᐊᓗᐃᓪᓗ ᐱᕙᓪᓕᐊᓂᕐᒧᑦ ᐱᓇᓱᕝᕕᖁᑎᖓᓄᑦ ᓯᑦᑎᒻᐸ 28, 2018-ᒥ. ᓄᕕᒻᐸ 1, 2019-ᒥ ᐊᑕᐅᓯᖕᖑᖃᑕᐅᓯᒪᓕᕐᓱᓂ ᐊᐅᓚᑕᐅᓂᖓ ᐱᒋᐊᕐᓯᒪᕗᖅ, ᐃᓗᐃᑦᑐᒥᒃ ᐊᑕᐅᑦᓯᑰᕐᑎᑕᐅᓂᖃᓛᓕᕐᑎᓗᒋᑦ ᖃᖓᑕᔫᑦ ᐊᐅᓚᑕᐅᓂᖏᑦ 2021-ᒥᐅᒍᓇᖅ.
ᑲᓀᑎᐊᓐ ᓄᐊᑦ 100%-ᒧᑦ ᐃᓄᓐᓄᑦ ᓇᒻᒥᓂᕆᔭᐅᕗᖅ ᓇᒻᒥᓂᕆᔭᐅᑦᓱᓂ ᒪᑭᕝᕕᒧᑦ ᐃᓄᕕᐊᓗᐃᓪᓗ ᐱᕙᓪᓕᐊᓂᕐᒧᑦ ᐱᓇᓱᕝᕕᖁᑎᖓᓄᑦ. ᑲᓀᑎᐊᓐ ᓄᐊᑦ ᐊᑦᑕᑐᕐᑕᐅᓂᕐᐸᐅᓲᒍᒻᒥᔪᖅ ᐱᓇᓱᕝᕕᒪᕆᓐᓄᑦ ᐱᒍᑦᔭᐅᓯᐊᕈᒪᔪᓄᑦ, ᐃᓱᕐᕆᒍᒪᔪᓄᑦ ᐊᑭᑐᓗᐊᔨᐅᖃᕈᓐᓀᓗᑎᒃ ᐅᑎᕐᑖᔭᕈᒪᔪᓄᑦ ᐊᑦᑕᑐᐊᒃᑯᑦ. ᓄᐊᑦ ᐊᒥᐊᔨᑲᒥ ᐊᑦᑕᑐᕐᑕᐅᑎᓲᕆᒻᒥᔭᕗᑦ ᐊᓯᖏᓐᓄᓗ ᐱᓕᐅᑎᒋᐊᕐᑐᓱᑎᒃ ᐱᖕᖕᒍᐊᕆᐊᕐᑐᑐᓄᑦ, ᑕᑯᔭᕆᐅᕆᐊᕐᑐᑐᓄᑦ ᐊᓯᖏᓐᓄᓗ ᐅᓄᕐᑑᓈᕐᑎᓱᑎᒃ ᐊᕐᕕᑕᕐᑐᓄᑦ.
ᑲᓀᑎᐊᓐ ᓄᐊᑦ ᐅᑭᐅᕐᑕᑐᒥ ᐊᐅᓚᓂᖃᑦᓯᐊᓂᖓ ᐱᒋᐊᕐᓯᒪᕗᖅ ᑲᓇᑕᐅᑉ ᑕᖅᕋᖓᓂ ᓯᓚᕐᔪᐊᓕᒫᒥᓪᓗ ᐊᓯᖏᓐᓄᑦ ᐊᐅᓚᓂᖃᓲᒍᓕᕐᓱᓂ. ᑲᓇᑕᐅᑉ ᑲᕙᒪᖓᑕ ᐱᓇᓱᐊᕐᑕᖓ Canada’s Polar Shelf Project ᐆᑦᑐᕋᐅᑎᒐ, ᑲᓛᓰᑦ ᓄᓇᖓᓂᑦ ᐊᓛᔅᑲᒥᓪᓗ ᐱᓯᒪᔪᓄᑦ ᐱᓇᓱᐊᕐᑕᐅᒋᐊᖃᕐᓯᒪᒻᒪᑦ. ᐊᓯᖏᓪᓗ ᐊᑦᑕᑐᕐᑕᐅᔪᒃᑯᑦ ᐱᓇᓱᑦᑎᕗᑦ Antarctic-ᓕᐊᖃᑦᑕᓯᒪᒻᒥᓱᑎᒃ. ᐅᓯᕙᑦᓱᑎᒃ ᐅᖓᓯᒋᔭᐅᔪᓄᑦ ᐱᓇᓱᒋᐊᕐᑐᑐᓂᒃ ᐅᔭᕋᓕᕆᒐᑦᓴᓂᒃ, ᐅᕐᓱᐊᓗᓐᓂᐊᕋᑦᓴᓂᒃ ᖃᐅᔨᓴᕋᑦᓴᓂᓪᓗ, ᖃᖓᑦᑕᔫᕐᓱᑎᒃ ᖃᐅᔨᓴᕐᓃᑦ ᓄᓇᖕᖑᐊᓕᐅᕐᓃᑦ, ᐃᓄᑦᑕᓃᑦ ᐅᓯᑦᑕᖃᑦᑕᓃᓪᓗ.
ᓄᓇᓕᓐᓂ ᐱᒋᐊᕐᑐᓂᒃ ᑮᓇᐅᔭᓕᐅᕆᐊᓪᓚᕈᑎᑦᓴᑎᒍᑦ, ᐱᓇᓱᒐᑦᓴᑎᒍᑦ ᐱᕕᑦᓴᖃᕐᑎᓯᓂᒃᑯᑦ ᐃᓚᐅᒍᑎᓕᓂᓪᓗ ᐱᕙᓪᓕᖁᑎᑦᓴᑖᕐᑎᓯᖃᑦᑕᓂᒃᑯᑦ, ᑲᓀᑎᐊᓐ ᓄᐊᑦ ᑕᖅᕋᒥ ᐃᖏᕐᕋᐅᑎᓕᕆᓂᕐᒥᒃ ᐱᒍᑦᔨᔨᐅᑦᓱᓂ ᑲᒪᒋᔭᖃᑦᓯᐊᓲᒍᕗᑦ ᐃᓄᓐᓂᒃ ᓯᕗᓕᕐᓂᑯᓪᓗ. 215 ᐅᖓᑖᓅᕐᑐᓂᒃ ᓄᓇᓕᑐᖃᕐᓂᒃ ᐱᓇᓱᑦᑎᖃᕐᓱᓂ. ᑲᓀᑎᐊᓐ ᓄᐊᑦ ᐃᑲᔪᕐᓯᒪᓲᖅ ᓄᓇᓕᓐᓂ ᐊᒥᓱᓂ ᐱᒋᐊᕐᑎᑕᐅᓯᒪᔪᓂᒃ ᐊᕐᕌᒍᓕᒫᒥ, ᐅᑭᐅᕐᑕᑐᒧᑦ ᐱᑐᑦᓯᒪᓂᓕᓐᓂᒃ.
ᐱᓇᓱᑦᑎᖏᑦ:
ᖃᖓᑦᑕᔫᖏᑦ:
ᐊᕐᕕᑕᕐᕕᒋᓲᖏᑦ:
ᐊᓪᓚᕕᒻᒪᕆᖓᓂ ᖃᐅᔨᒋᐊᕐᕕᓴᖅ:
ᑲᓀᑎᐊᓐ ᓄᐊᑦ
20 Cope Drive
Kanata, Ontario
Canada
K2M 2V8
ᐅᖄᓚᐅᑎᖓ: +1 800 661 3591
ᖃᕆᑕᐅᔭᒃᑯᑦ ᑐᕌᕈᑎᖓ: contact@canadiannorth.com
ᐃᓂᑦᓴᓕᐅᕐᕕᓴᖅ: 1 800 267 1247