ᓇᓂᓚᕗᑦ ᐱᓇᓱᐊᕐᑕᐅᓂᖓ
ᓇᓂᓚᕗᑦ ᐱᓇᓱᐊᕐᑕᐅᓂᖓ ᓄᐃᑕᐅᓯᒪᔪᖅ ᓄᓇᕕᒻᒥᐅᓂᒃ ᐃᓄᓐᓂ ᑲᓇᑕᒥᐅᓂᓪᓗ ᐃᓄᓐᓂᒃ ᐃᑲᔪᕈᑎᑦᓴᐅᓱᓂ ᓇᒡᓕᒋᔭᒥᓂᒃ ᐳᕙᓪᓗᓇᖃᕐᑎᓗᒍ ᐋᓐᓂᐊᕕᒻᒧᑦ ᐊᐅᓪᓚᓚᐅᕐᑐᕕᓂᕐᓂᒃ (1940ᓂᑦ 1960ᓄᑦ) ᐊᓂᕐᕋᒧᑦ ᐅᑎᕆᐊᓪᓚᓂᖕᖏᑐᓂᒃ ᓇᓂᓯᒐᓱᐊᕐᑎᓗᒋᑦ. ᐊᒥᓱᑦ, ᐳᕙᓪᓗᒧᑦ ᐋᓐᓂᐊᓱᑎᒃ ᖃᓪᓗᓈᓄᑦ ᐊᐅᓪᓚᑐᕕᓃᑦ ᐋᓐᓂᐊᓯᐅᕐᑕᐅᒋᐊᕐᑐᑐᕕᓃᑦ ᐃᓚᖏᓐᓄᑦ ᓄᓇᒥᓂ ᑐᓴᕐᑕᐅᑎᑕᐅᓚᐅᕐᓯᒪᓐᓂᖏᑦᑐᑦ.
ᓇᓂᓚᕗᑦ ᑐᑭᓕᒃ ᐃᒫᒃ “ᐊᑏ ᓇᓂᓚᐅᕐᓚᕗᓂᒃᑯᐊ” ᐃᓄᒃᑎᑑᕐᓱᓂ.
ᓇᓂᓚᕗᑦ ᐱᓇᓱᐊᕐᑕᐅᓂᖓ ᐋᕐᕿᓱᕐᑕᐅᓯᒪᔪᖅ ᐃᓕᓐᓂᒃ ᐃᑲᔪᕐᑐᓴᐅᑎᓪᓗᒍ ᓇᒡᓕᒋᔭᕐᓂᒃ ᓇᓂᓯᑎᓪᓗᑎᑦ. ᐅᑯᓂᖓ ᐃᓚᖃᕐᓱᑎᒃ:
- ᐃᓚᒌᓂᒃ ᐃᑲᔪᕐᓯᓗᓂ ᖃᐅᔨᓴᕈᑎᖏᓐᓂᒃ ᓴᐳᑎᔭᐅᒍᑎᒋᒋᐊᓕᖏᓐᓂᓗ ᓇᒡᓕᒋᔭᒥᑕ ᐃᓗᕕᕐᑕᐅᓯᒪᕕᖓᓂᒃ ᓇᓂᓯᒐᓱᐊᕐᑎᓗᒋᑦ
- ᓄᓇᕕᒻᒥ ᐃᓚᐅᔪᓂᒃ ᓱᕐᕋᑕᐅᓯᒪᒍᑎᓕᓐᓂᒃ ᐱᕕᖃᕐᑎᓯᓗᓂ, ᐃᓱᓕᒋᐊᕐᑎᓯᓂᕐᒧᑦ ᒪᒥᓴᕐᓂᒧᓪᓗ ᐊᐅᓚᒍᑎᒋᒋᐊᓕᖏᓐᓄᑦ, ᓯᓂᑦᑕᐅᑎᖃᕈᑎᒋᒋᐊᓕᖏᓐᓄᑦ ᐊᓯᖏᓐᓄᓗ ᑮᓇᐅᔭᕐᑐᕈᑎᐅᒋᐊᓕᓐᓄᑦ ᓈᒻᒪᒐᔭᕐᑐᓂᒃ ᑮᓇᐅᔭᖃᕐᑎᓯᑦᓱᑎᒃ, ᐁᑎᓪᓗᒋᑦ ᑌᑯᖓ ᐃᓗᕕᕐᑕᐅᓯᒪᕕᖓᓄᑦ.
- ᓄᓇᕕᒻᒥ ᐃᓚᐅᔪᓄᑦ ᑭᖕᖒᒪᑦᓯᑐᐃᓐᓇᕆᐊᓕᓐᓄᑦ ᐱᑕᖃᕐᑎᓯᓂᒃᑯᑦ ᐃᓗᕕᕐᒥᒃ ᓇᓗᓀᕐᓯᒍᑎᓂᒃ, ᐊᑎᖃᐅᑎᓂᒃ, ᐃᕐᖃᐅᒪᑦᓯᒍᑎᓂᒃ, ᐅᕝᕙᓘᓐᓃᑦ ᐃᓗᕕᖃᕐᕕᒥᒃ ᐃᕐᖃᐅᒪᑦᓯᒍᑎᓂᒃ, ᐊᒻᒪᓗᑦᑕᐅᖅ ᐃᓱᒪᖃᑦᓯᐊᓂᕐᒧᑦ ᐃᑉᐱᓂᐊᕈᑎᓄᐊᖓᔪᓂᓪᓘᓃᑦ ᓴᐳᑦᔨᓯᒪᒍᑎᓂᒃ.
ᕿᓂᕐᐸᑯᕕᑦ ᓄᓇᕕᒻᒥᐅᔭᒥᒃ ᓇᒡᓕᒋᔭᕐᓂᒃ ᐳᕙᓪᓗᓱᓂ ᐊᐅᓪᓚᑎᑕᐅᓚᐅᕐᑐᕕᓂᕐᒥᒃ ᒪᑭᕝᕕᑯᓐᓂ ᐅᕙᑦᑎᓂᒃ ᖃᐅᔨᒋᐊᕐᕕᖃᕈᓐᓇᑐᓯ ᓇᓂᓯᒐᓱᐊᕐᓗᑎᑦ ᓴᐳᑎᔭᐅᒍᑎᑦᓴᓄᑦ.
ᖃᐅᔨᒪᔭᐅᒋᐊᓕᒃ: ᐃᓘᓐᓇᑎᒃ ᑐᑭᓯᒍᑎᐅᔪᓕᒫᑦ ᓇᐅᑐᐃᓐᓇᒧᑦ ᖃᐅᔨᔭᐅᑎᑕᐅᓲᖑᖕᖏᑐᑦ.
ᑐᑭᓯᒋᐊᓪᓚᒍᑎᑦᓴᓄᑦ ᖃᓄᖅ ᐃᑲᔪᕐᑕᐅᒐᔭᕐᒪᖔᕐᐱᑦ ᖃᐅᔨᒋᐊᕐᕕᒋᒍᓐᓇᑌᑦ
ᓴᒫᓐᑕ ᑌᕕᑦ
ᓇᓂᓚᕗᑦ ᐱᓇᓱᐊᕐᑕᐅᔪᖅ ᑲᒪᔨ
ᐅᖄᓚᐅᑎ ᐊᑭᖃᖕᖏᑐᖅ:
1-877-625-4845
ᐅᖄᓚᐅᑎᖓ:
819-964-2925 x 307
ᓱᑲᑦᑐᑰᕐᑎᓯᒍᑎ:
819-964-2613
ᖃᕆᑕᐅᔭᒃᑯᑦ ᑐᕌᒍᑎᖓ: Nanilavut@makivik.org
ᒪᑭᕝᕕᒃ
P.O. Box 179
ᑰᒃᔪᐊᖅ, ᑯᐯᒃ
J0M 1C0