ᒪᑭᕝᕕᒃ ᐸᕐᓀᑏᓪᓗ ᐅᐱᒍᓱᑦᓱᑎᒃ ᑐᓴᐅᒪᔭᐅᖁᔨᕗᑦ ᐃᕙᒃᑲᑐᓄᑦ ᓱᑲᓕᐅᑎᓂᐅᓛᓕᕐᒥᔪᒥᒃ. ᑖᓐᓇ ᖁᓕᓪᓗ ᑕᓪᓕᒪᓪᓘᒍᑎᖓ ᓱᑲᓕᐅᑎᓂᖅ ᐱᒋᐊᓛᕐᑐᖅ ᒫᑦᓯ 31, 2016-ᒥ, ᖁᐊᕐᑕᒥᑦ, ᐅᖓᕙᒥᒃ ᓯᓂᕐᓱᓗᑎᒃ ᑲᖏᕐᓱᑎᒍᑦ, ᐊᐅᐸᓗᑎᒍᑦ, ᑕᓯᐅᔭᕐᑎᒍᑦ ᑰᑦᔪᐊᒧᑦ ᑎᑭᓪᓗᑎᒃ. ᓯᓚᐅᑉ ᖃᓄᐃᑦᑑᓂᖓ ᒪᓕᓪᓗᒍ, ᖁᓕᓪᓗ ᐱᖓᓱᓪᓗᓂᒃ ᐅᓪᓗᑐᕈᓇᐅᔪᑦ ᓱᑲᓕᐅᑎᔪᑦ.
“ᓇᑯᕐᒦᐳᒍᑦ ᕿᒧᑦᓯᕈᑎᓂᒃ ᕿᒻᒥᖃᕐᑐᓂᒃ ᓄᓇᕕᒻᒥᐅᓂᒃ ᕿᒧᒋᐅᕐᓴᑎᑦᓯᒋᐊᖃᓲᒍᒻᒪᑕ ᓱᑲᓕᐅᑎᒻᒪᕆᓐᓂᐅᓛᕐᑐᒧᑦ, ᐆᒪᑦᓯᒋᐊᖃᕐᓱᑎᓪᓗ ᕿᒻᒥᒥᓂᒃ ᑲᒪᒋᑦᓯᐊᓗᒋᓪᓗ ᐊᕐᕌᒍᓕᒫᒥ. ᕿᒧᑦᓯᐅᑎᑦᓴᖃᕐᓂᖅ ᐃᓄᓐᓄᑦ ᐱᒻᒪᕆᖁᑎᐅᓯᒪᒻᒪᑦ ᓯᕗᓕᑦᑎᓂᑦ ᐱᓯᒪᑦᓱᓂ, ᓇᑯᕐᒦᐳᒍᑦ ᐃᕙᒃᑲᑐᓄᑦ ᓱᑲᓕᐅᑎᓂᐅᓲᒥᒃ, ᑕᒪᓐᓇ ᐱᐅᓕᐊᕐᑕᐅᒋᐊᕐᓯᒪᒻᒪᑦ ᐅᐱᒋᔭᐅᔪᒻᒪᕆᐅᑦᓱᓂᓗ,” ᐅᖃᕐᑐᖅ ᐋᓐᑎ ᒧᐊᖃᐅᔅ, ᒪᑭᕝᕕᒥ ᐊᖓᔪᕐᖄᑉ ᑐᖓᓕᖓ, ᒪᑭᑉᐸᓕᐊᒐᓱᐊᕈᑎᑦᓴᓕᕆᓂᕐᓄᑦ.
ᕿᒧᑦᓯᑏᑦ ᐃᑲᔪᕐᑎᖏᓪᓗ ᐊᑎᕐᒥᓂᒃ ᑐᓂᔨᖁᔭᐅᓯᒪᕗᑦ ᒫᑦᓯ 11, 2016-ᒍᓚᐅᕐᑎᓇᒍ. ᖁᓕᓪᓗ ᑕᓪᓕᒪᓪᓘᒍᓇᐅᔪᑦ ᓱᑲᓕᐅᑎᖃᑕᐅᓛᕐᑐᑦ ᑕᕝᕙᓂ ᐊᕐᕌᒍᕐᒥ.
ᐆᒪᔪᓂᒃ ᐋᓐᓂᐊᓯᐅᕐᑎ ᒪᓕᒋᐊᖃᕋᒥ ᒪᓕᖃᑕᐅᓛᕐᑐᖅ ᐃᕙᒃᑲᑐᓄᓪᓗ ᓱᑲᓕᐅᑎᔪᓂᒃ ᐃᑲᔪᕐᑎᓴᖅ ᐊᑦᑕᓇᕐᑐᒨᖁᓇᒋᑦ ᖃᓄᐃᖕᖏᓯᐊᖁᑦᓱᒋᓪᓗ.
ᑕᒐᑕᒐ ᖃᕆᑕᐅᔭᒃᑯᑦ ᑐᓴᕋᑦᓴᖃᕐᕕᓴᐅᓛᕐᑐᖅ ᐊᑐᐃᓐᓇᕈᕐᑎᑕᐅᔪᖅ ᑐᓴᕐᑕᐅᒋᐊᓕᓐᓂᒃ ᖃᐅᔨᒋᐊᕐᕕᓴᐅᓛᕐᑐᖅ.
ᑐᑭᓯᒋᐊᑦᓯᐊᕕᑦᓴᖅ:
ᔮᓇᑕᓐ ᐃᐳ, ᐊᑕᐅᑦᓯᑰᕐᑎᓯᔨ
ᐃᕙᒃᑲᑐᓄᑦ ᓱᑲᓕᐅᑎᓂᖅ 2016-ᒥ
jepoo@makivik.org
819-964-2925 ext 230