ᑲᑎᖕᖓᔩᑦ
- ᒪᑭᕝᕕᐅᑉ ᒪᑭᑉᐸᓕᐊᒐᓱᐊᕐᑐᓕᕆᔨᖏᑦ
- ᕘᔅ ᐃᐊ
- ᐃᓄᐃᑦ
ᒪᑭᕝᕕᒃ ᑲᑎᖕᖓᔨᑦᓴᓯᐅᕐᐳᖅ ᓇᒻᒥᓂᕐᒥᓄᑦ ᒪᑭᑉᐸᓕᐊᒐᓱᐊᕐᓂᒥᒃ ᐱᓇᓱᐊᕐᕕᒥᓄᑦ, ᒪᕐᕉᓄᓪᓗ ᖃᖓᑦᑕᔫᖁᑎᒥᓄᑦ: ᐃᓄᐃᒃᑯᑦ ᕘᔅ ᐃᐊᒃᑯᓗ. ᓴᕐᕿᑎᑕᐅᓯᒪᔪᖅ 1978-ᖑᑎᓪᓗᒍ, ᐊᑎᓕᐅᕐᑕᐅᒌᕐᓯᒪᓕᑐᐊᕐᒪᑦ ᔦᒥᓯ ᐯᑉ ᑯᐯᓪᓗ ᑕᕐᕋᖓᑕ ᐊᖏᖃᑎᒌᒍᑎᖓ, ᒪᑭᕝᕕᒃ ᑎᓕᔭᐅᓯᒪᒍᑎᖃᕐᑐᖅ ᓴᐳᒻᒥᓂᕐᒥᒃ ᒪᑭᑉᐸᓕᐊᒐᓱᐊᕈᑎᓂᒃ ᐃᓄᐃᓪᓗ ᖃᓄᐃᖕᖏᓯᐊᕆᐊᖃᕐᓂᖏᓐᓂᒃ ᐃᓚᐅᒍᑎᖃᕐᑐᖅ ᔦᒥᓯ ᐯᑉ ᑯᐯᓪᓗ ᑕᕐᕋᖓᑕ ᐊᖏᖃᑎᒌᓐᓂᖓᓄᑦ. ᑕᒪᑐᒧᖓ ᒪᑭᕝᕕᒃ ᓇᒻᒥᓂᖃᕐᑐᖅ ᐃᓄᐃᒃᑯᓂᒃ, ᕘᔅ ᐃᐊᒃᑯᓂᒃ, ᖃᓪᓗᑎᒃ, ᓄᓇᕕᒻᒥ ᓄᓇᖕᖑᐊᓕᐅᕐᑏᑦ ᑲᐅᑕᕐᓗ ᓇᒻᒥᓂᖃᖃᑎᐅᒻᒥᓱᓂ ᐅᑭᐅᕐᑕᑐᒥᐅᓂᒃ ᐅᑦᓯᔨᔨᓐᓂᒃ, ᑖᒃᑯᐊᓕᒫᑦ ᐱᓇᓱᑦᑎᖃᕐᑐᑦ 2000 ᐅᖓᑖᓄᑦ ᓄᓇᕕᒻᒥ, ᓄᓇᕗᒻᒥ, ᒪᓐᑐᕆᐊᓪᒥ, ᐋᑐᒑᒥ ᐊᓯᖏᓐᓂᓗ ᓄᓇᓕᓐᓂ ᑲᓇᑕᒥ.
ᒪᑭᕝᕕᒃ ᐱᖕᖑᑎᑦᓯᓚᐅᔪᖅ ᒪᑭᑉᐸᓕᐊᒐᓱᐊᕐᓂᒥᒃ ᑲᒪᒋᔭᖃᕐᓂᐊᑐᒥᒃ ᐊᐅᓚᑦᓯᓂᐊᕐᓗᓂ ᑎᒥᐊᕈᖁᑎᖏᓐᓂᒃ ᐱᕈᕐᐸᓕᐊᒻᒪᑕ ᓇᓗᓇᕐᓯᕙᓪᓕᐊᓱᑎᓪᓗ ᐊᒻᒪᓗ ᓄᑖᓂᒃ ᒪᑭᑉᐸᓕᐊᒐᓱᐊᕈᑎᐅᒍᓐᓇᑐᓂᒃ ᐱᓇᓱᐊᕐᑎᐅᓂᐊᕐᑐᒥᒃ ᐊᑦᔨᒌᖕᖏᑑᒻᒪᑕ ᐊᒥᓱᑦ ᐱᕕᑦᓴᐅᔪᑦ. ᑖᒃᑯᐊ ᓄᑖᓂᒃ ᐱᖓᓱᑦ ᑲᑎᖕᖓᔨᑖᕆᐊᓖᑦ, ᐊᐅᓚᑦᓯᒍᓐᓇᓯᐊᕐᑐᓂᒃ ᑐᑭᒧᐊᑦᑎᓯᑦᓯᐊᕈᓐᓇᓗᑎᒃ.
ᑖᒃᑯᐊ ᐱᖓᓱᑦ ᑲᑎᖕᖓᔩᑦ (ᒪᑭᑉᐸᓕᐊᒐᓱᐊᕐᓂᖅ, ᐃᓄᐃᑦ ᕘᔅ ᐃᐊᓗ) ᐱᖓᓲᔪᕐᑐᓂᒃ ᐊᑐᓂᑦ ᑲᑎᖕᖓᔨᖃᕆᐊᓖᑦ ᑐᑭᒧᐊᑦᑎᓯᔨᖃᕐᓗᑎᓪᓗ ᓂᕈᐊᕐᑕᒥᓂᒃ ᑲᑎᖕᖓᔨᓂᑦ. ᐱᖓᓱᑦ ᐃᑭᓐᓂᐸᐅᑎᓪᓗᒋᑦ ᐃᓚᐅᔫᒋᐊᓖᑦ ᔦᒥᓯ ᐯᑉ ᑯᐯᓪᓗ ᑕᕐᕋᖓᑕ ᐊᖏᖃᑎᒌᓐᓂᖓᓄᑦ ᐱᓇᓱᑦᑎᐅᖏᑦᑑᓗᑎᒃ ᑲᑎᖕᖓᔨᐅᒐᑎᓪᓗ ᒪᑭᕝᕕᒧᑦ ᑎᒥᐊᕈᖁᑎᖏᓐᓄᓗᓐᓃᑦ.
ᑲᑎᖕᖓᔨᖕᖑᕋᓱᐊᕈᒪᔪᑦ ᐱᕈᕐᐸᓕᐊᑎᑦᓯᒐᓱᐊᖃᑎᐅᒍᒪᔪᑦ ᐱᒍᓐᓇᓯᑎᑦᓯᓯᐊᖃᑎᐅᒍᒪᔪᑦ ᒪᑭᕝᕕᐅᑉ ᓄᑖᖅ ᒪᑭᑉᐸᓕᐊᒐᓱᐊᑐᓕᕆᔨᖓᓄᑦ ᒪᕐᕉᓄᓪᓗ ᖃᖓᑦᑕᔫᖁᑎᒋᓐᓄᑦ ᒪᑭᕝᕕᐅᑉ ᑐᕌᒐᓱᐊᕐᑕᖏᓐᓂᒃ ᐱᒍᒪᓂᖃᑦᓯᐊᕆᐊᓕᒃ, ᐃᓱᕐᕆᓯᐊᕐᓗᓂᓗ ᐃᖏᕐᕋᑎᑦᓯᖃᑎᐅᒍᓐᓇᓗᓂ ᐃᓗᕐᖁᓯᖃᑎᒌᖕᖏᑐᓂᒃ. ᓇᓪᓕᑳᒍᓐᓇᓯᐊᕐᓗᑎᒃ ᐃᑲᔪᕐᓯᒪᑦᓯᐊᕈᓐᓇᓗᑎᓪᓗ ᐊᐅᓚᑦᓯᔨᒻᒪᕆᐅᔪᓂᒃ ᑐᑭᓯᒪᓂᖃᑦᓯᐊᓗᓂᓗ ᐊᐅᓚᑦᓯᒍᓯᕐᒥᒃ ᐱᓇᓱᐊᖃᑎᒌᓐᓂᖓᓂᓪᓗ ᑲᑎᖕᖓᔨᐅᖃᑎᒌᑦᑐᑦ. ᑲᑎᖕᖓᔨᓕᒫᑦ ᑮᓇᐅᔦᑦ ᐊᓪᓚᑕᐅᓯᒪᒍᑎᖏᓐᓂᒃ ᑐᑭᓯᒪᒋᐊᓖᑦ, ᒪᑭᑉᐸᓕᐊᓂᕐᒧᑦ ᐸᕐᓇᑕᐅᓯᒪᔪᓂᒃ ᐃᖏᕐᕋᑎᑦᓯᒍᑎᐅᔪᓂᓪᓗ.
ᓇᓪᓕᑳᔭᐅᔪᓂ ᓯᕗᓪᓕᐅᔭᐅᓛᕐᑐᑦ ᐱᓇᓱᐊᓕᓃᑦ ᓇᒻᒥᓂᖃᕐᓂᒥᒃ, ᐃᖏᕐᕋᑎᑦᓯᓂᕐᒥᒃ ᐊᐅᓚᑦᓯᓂᕐᒥᓗ ᒪᑭᑕᑎᑦᓯᒐᓱᐊᕐᓂᒥᒃ ᐊᐅᓚᑦᓯᓂᕐᒥᓗᓐᓃᑦ. ᑲᑎᖕᖓᔨᖕᖑᕋᓱᐊᕐᑐᖅ ᐱᐅᔪᒻᒪᕆᐅᒐᔭᕐᑐᖅ ᐱᒍᓐᓇᐅᑎᖃᕈᓂ ᐃᓕᓐᓂᐊᓯᒪᑦᓯᐊᓗᓂᓗ.
ᑕᒪᒃᑯᐊ ᐱᒻᒪᕇᑦ ᐊᓕᐊᓇᕐᑑᓱᑎᓪᓗ ᐃᓚᐅᕕᒋᒐᓱᐊᕈᒪᒍᕕᒃᑭᑦ, ᐊᓪᓚᒍᓐᓇᖁᑎᑦ ᑐᑭᓯᑎᑦᓯᓗᑎᑦ ᓱᒧᑦ ᑲᑎᖕᖓᔨᐅᓂᕐᒧᑦ ᓇᓪᓕᑳᔭᐅᔪᑦᓴᐅᒪᖔᕐᐱᑦ, ᓀᓪᓕᑎᕐᓯᒪᔫᑎᓪᓗᒍ ᑐᑭᓯᔭᐅᑎᑦᓯᓗᑎᑦ ᐱᓇᓱᐊᕐᓯᒪᔭᑎᓐᓂᒃ.
ᐃᓕᒐᓱᐊᕈᑏᑦ ᐊᐅᓪᓚᑎᑕᐅᒍᓐᓇᑐᑦ Boyden-ᒧᑦ ᐅᕗᖓ makivik@boyden.com ᑎᑭᑎᑕᐅᓯᒪᒋᐊᖃᕐᑐᑦ ᒣ 19, 2017-ᖑᓚᐅᕐᑎᓇᒍ.