ᑐᑭᖓ: ᑲᖏᕐᓲᓂᖓ ᐊᖏᔪᖅ
ᐃᓄᑦᑕᖏᑦ: 837
ᑲᖏᕐᓱᔪᐊᑉ ᓄᓇᓕᖓ ᐃᓂᖃᕐᑐᖅ 10 ᑭᓚᒦᑕᓂᒃ ᐅᖓᓯᓐᓂᖃᕐᓱᓂ ᐃᑭᕋᓴᕐᔪᐊᑉ ᐃᒪᖓᓂᑦ. ᑖᓐᓇ ᓄᓇᓕᐅᔪᖅ ᑭᕕᓕᓂᕐᒦᑐᖅ ᐊᕙᓗᐊᔭᐅᒪᑦᓱᓂ ᖃᖅᑳᓗᓐᓄᑦ, ᓄᓇᖓ ᐱᐅᔫᒧᓪᓃᑦ ᐅᖃᐅᓯᑦᓴᐅᖏᑦᑐᖅ. ᐅᖃᐅᓯᕆᔭᐅᔪᑦᓴᐅᒥᔪᖅ ᓄᓇᓖᑦ ᐃᓄᖏᓐᓄᑦ ᐅᕕᓗᕐᑕᕈᓯᖃᓲᖑᒻᒪᑕ ᐅᑭᐅᖑᑎᓪᓗᒍ. ᐃᑦᔨᓂᕐᓂ ᐃᒃᑲᑐᒦᑦᑐᓂᒃ ᑎᓂᙵᓕᑐᐊᕐᒪᑦ, ᑐᕙᐅᑉ ᓯᑯᖓᓂ ᑭᓛᔦᓯᓲᑦ ᐊᒻᒪᓗ ᐃᒣᕈᕐᓯᒪᓕᑐᐊᕐᒪᑦ ᑭᓪᓚᑯᑦ ᐃᑎᓯᑦᓱᑎᒃ ᐊᑖᓂ ᐹᕐᖑᓱᑎᒃ ᓄᐊᑦᓯᓂᐊᓕᕋᒥᒃ ᑕᕆᐅᑉ ᒪᒪᕐᑐᖁᑎᖏᓐᓂᒃ.
1884-ᖑᑎᓪᓗᒍ ᑲᓇᑕᒥᐅᑦ ᖃᑦᓴᓐ ᐯᒥᒃ ᑕᓯᐅᔭᕐᔪᐊᒥ ᑕᑯᓂᐊᕐᓯᒪᔪᐃᑦ ᐅᒥᐊᕐᔪᐊᑰᕐᓱᑎᒃ ᓇᕿᔨᑭᒥᓴᕿ-ᑯᑦ ᑎᑭᑦᑐᕕᓃᑦ ᐅᒥᐊᒃᔪᐊᑯᑦ ᐊᖅᑯᓯᐅᕈᒪᑦᓱᓂ ᑕᕆᐅᑉ ᐊᑭᐊᓕᐊᕐᑐᒥᒃ ᑕᒫᙵᑦ ᐃᑭᕋᓴᕐᔪᐊᒥᑦ. ᓯᑯᓂᒃ ᑲᒪᓇᓱᕝᕕᒥᒃ ᓯᓚᓐᓂᐊᕕᒻᒥᓗ ᓴᓇᔭᐅᔪᖃᓕᕐᑐᕕᓂᖅ ᐊᓐᓂᐊᕕᕐᔪᐊᒥ. ᐃᓄᐃᑦ ᑕᐅᕐᓰᖃᑎᖃᖃᑦᑕᓕᕐᑐᕕᓃᑦ ᑕᒫᓂ ᐱᓇᓱᐊᕐᕕᖃᕐᑐᓂᒃ ᑕᒪᒃᑯᓂᖓ ᕿᓯᓐᓄᑦ ᐳᐊᓗᓐᓄᑦ ᑲᒥᓐᓄᓗ ᑐᐹᑭᑖᕈᑎᖃᖃᑦᑕᓱᑎᒃ ᓴᒃᑯᐃᑦ ᐊᕐᔭᖏᓐᓂᓗ.
ᐱᖑᓄᕿᓱᖑᒪ ᕼᖑᓯ-ᒥᒃ ᐊᑦᓯᑕᐅᓯᒪᔪᖅ ᑖᑦᓱᒧᖓ ᐅᒥᐊᓕᑦᑕᒧᑦ ᕋᖑᔨᑎᖑᓂᓴ ᐱᓂᓗᓗᓂᖑᒪ ᐱᖑᓄᕿᓱᖑᒪ-ᒧᑦ ᑖᓐᓇ 1897-ᒥ ᓇᓗᓀᕐᓯᒋᐊᕐᑐᓯᒪᓐᓂᒪᑦ ᑕᒪᓐᓇ ᐃᑭᕋᓴᕐᔪᐊᖅ ᐃᖏᕐᕋᕕᑦᓴᓯᐊᖑᒻᒪᖔᑦ ᐅᒥᐊᒃᑯᑦ. 1961-ᒥ, ᑯᐯᒃᑯᑦ ᑲᕙᒪᖓᑦ ᐊᑎᓕᐅᕆᒋᐊᓪᓚᓯᓐᓂᒥᔪᑦ ᓄᓇᓕᒻᒥᒃ ᐃᒣᑦᑑᓕᕐᑎᓗᒍ ᐳᖑᓂᓴᑎᕿ-ᒍᓴᓴᕿ-ᖁᕿ-ᓚᖑᑭᓂᖃᓕᒥᑭᑎ-ᒥᒃ ᑭᓯᐊᓂ ᒥᓂᓯᐹᓕᑎᒥᒃ ᓄᐃᑕᐅᔪᖃᓯᑐᐊᕐᒪᑦ ᐃᓕᑕᕆᔭᐅᔪᕐᑎᒍᑦ ᐊᑦᓯᑕᐅᒋᐊᑦᓯᐊᓯᒪᔪᖅ ᐃᓄᑦᑎᑐᑦ ᐊᑎᖓᓂᒃ ᑲᖏᕐᓱᔪᐊᒥᒃ.
1910-ᒥ, ᐅᐃᒍᐃᒃᑯᑦ ᓂᐅᕕᕐᓂᐊᕕᖁᑎᖏᑦ Rᖀᑲᓂᓗᓗᓕᓴ Fᑭᕂᑭᕿᐅ-ᑯᑦ ᓇᑉᐯᔪᕕᓂᐅᔪᑦ ᓂᐅᕕᕐᓂᐊᕕᒻᒥᒃ ᑲᖏᕐᓱᔪᐊᒥ. ᓯᑕᒣᑦ ᐅᑭᐅᑦ ᓈᑐᐊᕐᒪᑕ ᖃᑦᓴᓐᐯ ᑲᒻᐸᓂᒃᑯᑦ ᓄᐃᑦᓯᓕᕐᓂᒥᔪᑦ. 1928-ᒥ, ᑲᒻᐸᓂᒃᑯᑦ ᐅᑦᑐᕋᕐᑎᓯᔪᕕᓃᑦ ᑎᒋᒐᓐᓂᐊᓂᒃ ᐱᕈᕐᓭᕕᒻᒥᒃ 12-ᓂᒃ ᐅᑭᐅᓂᒃ ᐊᐅᓚᑕᐅᔪᕕᓂᕐᒥᒃ. 1936-ᒥ, ᐅᐃᒍᐃᒃᑯᑦ ᓂᐅᕕᕐᓂᐊᕕᒻᒥᓂᒃ ᐅᒃᑯᐃᓯᓕᕐᓂᒥᔪᑦ, ᑭᓯᐊᓂ ᐃᕐᓯᕋᕐᔪᐊᑯᑦ ᑲᑕᓕᒃᑯᑦ ᓄᐃᑦᓯᓕᕐᓂᒥᔪᑦ ᑐᑦᓯᐊᕕᒻᒥᒃ. ᐊᒥᓱᒻᒪᕆᓐᓂᒃ ᑲᑕᓕᒃᑯᑦ ᐊᔪᕿᕐᑐᐃᔨᖃᖃᑦᑕᓯᒪᓕᕐᑐᑦ ᑕᒪᓂᒥᐅᖑᓯᒪᓕᕐᑐᓂᒃ, ᐃᓚᐅᑎᓪᓗᒍ ᖅᑎᐅᖅ 1964-ᒥᓂᑦ. 1960-ᒥ ᐃᓕᓐᓂᐊᕕᒻᒥᒃ ᓯᕗᓪᓕᐹᒥᒃ ᐅᒃᑯᐃᑕᐅᔪᖃᕐᑐᕕᓂᖅ, ᑭᖑᓂᐊᒍᑦ ᐊᓐᓂᐊᕕᒻᒥᒃ. ᐊᖓᓕᑲᒃᑯᑦ ᑐᑦᓯᐊᕕᖓᓂᒃ ᓄᐃᑕᐅᔪᖃᓯᓐᓂᒥᔪᖅ 1963-ᒥ. ᑲᖏᕐᓱᔪᐊᕐᒥᐅᑦ ᑯᐊᐸᑦᑖᕆᐊᙵᑐᕕᓃᑦ 1970-ᒥ.
ᑲᖏᕐᓱᔪᐊᖅ ᐃᓂᖃᕐᑐᖅ ᕋᖑᔨᕿ ᐳᒪᓂᑎᓱ ᑕᕐᕋᖓᓂ ᐅᔭᕋᓐᓂᐊᕋᑦᓴᓂᒃ ᐱᑕᖃᒻᒪᕆᑦᑐᒦᑦᓱᓂ. 1950-ᐄᑦ ᐊᕐᕌᒍᖏᓐᓂᑦ ᐅᔭᕋᓐᓂᐊᑦ ᑕᒫᓂ ᐱᓇᓱᐊᖃᑦᑕᓯᒪᓕᕐᑐᑦ ᑌᒪᖓᓕᒫᖏᒃᑲᓗᐊᕐᓱᑎᒃ. 1970-80 ᐊᕐᕌᒍᖏᓐᓂ ᐅᔭᕋᓐᓂᐊᓂᒃ ᐊᐅᓚᑕᐅᔪᖃᓚᐅᔪᒻᒥᔪᖅ ᐳᕐᑐᓂᕐᒥ.
ᐅᓪᓗᒥ ᑯᐯᒃᑯᑦ ᐅᔭᕋᓐᓂᐊᓂᓕᕆᔨᖏᑦ ᐊᐅᓚᑦᓯᓂᖃᓲᖑᓕᕐᑐᑦ ᑲᓐᓄᔭᕐᒥᓗ ᑮᓇᐅᔭᑦᓴᔭᒥᓪᓗ ᐅᔭᕋᓐᓂᐊᒥᒃ ᑕᒫᓂ ᓄᓇᒥ. 15 ᐳᓴᓐᑎᖏᑦᑕ ᓴᓂᐊᓃᑦᑐᑦ ᑕᒡᒐᓂ ᐅᔭᕋᓐᓂᐊᕕᒻᒥ ᐱᓇᓱᑦᑏᑦ ᓄᓇᕕᐅᑉ ᓄᓇᓕᖏᓐᓂᑦ ᐱᓯᒪᔪᑦ.
ᑕᑯᒥᓇᕐᑐᖁᑎᖏᑦ
- ᐱᖑᐊᓗᐃᑦ ᐅᐸᑦᑕᐅᒍᓐᓇᑐᖅ ᑲᖏᕐᓱᔪᐊᒥᑦ
- ᓇᐸᔪᕐᑕᓕᒃ ᒪᕐᕈᐃᓕᖓᑦᓱᓂ ᐊᑭᓐᓈᓗᑦᑕᓕᒃ ᐅᔭᕌᓗᒻᒥᒃ ᐃᓐᓈᕈᕐᒥᒃ
- ᕿᑭᕐᑖᑉ ᕿᑭᕐᑕᖓ ᐊᒻᒪᓗ ᖃᔭᕐᑕᓕᒃ 15-ᓂᒃ ᑭᓚᒦᑕᓂᒃ ᐅᖓᓯᓐᓂᖃᕐᑐᖅ ᓄᓇᓕᓐᓂᑦ ᑮᓇᙳᐊᑕᓕᒃ
- ᑌᑦᓱᒪᓂᑕᕐᓂᒃ, 1,200 ᐅᑭᐅᑦ ᓯᕗᓂᐊᒍᑦ. ᐊᒻᒪᓗᑦᑕᐅᖅ, ᓄᓇᒦᑦᓱᑎᒃ ᐃᓪᓗᓕᐊᖑᓚᐅᕐᑐᕕᓃᑦ ᐃᓄᓐᓄᑦ 800 ᐅᑭᐅᑦ ᓯᕗᓂᐊᖑᑦ. ᐆᒪᔪᐃᑦ ᑕᑯᓐᓇᔭᕐᑕᐅᒍᓐᓇᒥᔪᑦ.