ᑐᑭᖓ: ᒥᑭᔫᑦᓱᓂ ᑰᑦᔪᐊᖅ
ᐃᓄᑦᑕᖏᑦ: 792
ᑰᒃᔪᐊᕌᐱᒃ ᐃᓂᖃᓲᖑᕗᖅ ᓯᐅᕋᕐᒦᓱᓂ ᑰᑦᔪᐊᕌᐱᐅᑉ ᑰᖓᑕ ᐹᖓᓃᑦᓱᓂ. ᑖᑦᓱᒪ ᓄᓇᓕᐅᑉ ᑲᖏᐊᓂ, ᓄᓇᖓ ᒪᓂᕋᕐᑑᕗᖅ, ᐃᒪᕐᓲᓱᓂᓗ ᐅᔭᕂᓐᓇᐅᓱᓂᓗ ᑖᕗᖓᓕᒫᖅ ᐃᔨᒻᒧᑦ ᑕᑯᑦᓴᐅᓂᓕᒫᑦᓯᐊᖓ. ᓯᐅᕋᐅᓂᖓᑕ ᑭᓪᓕᖓᓂᑦ ᑕᑯᑦᓴᐅᓯᐊᕐᑐᖃᕈᓐᓇᑐᖅ ᑕᓯᐅᔭᕐᔪᐊᒥᒃ ᐊᒻᒪᓗ ᕿᑭᕐᑕᖏᓐᓂᒃ ᑕᒫᖓᑦ ᑕᕐᕋᖓᓃᑐᐃᓐᓇᑐᓂᒃ.
ᑖᒃᑯᐊ ᕿᑭᕐᑌᑦ ᑕᑯᒥᓇᕐᑐᒪᕆᐅᔪᑦ ᑕᓯᐅᔭᕐᔪᐊᑉ ᐃᖅᑲᖓᓂᒃ ᐱᓯᒪᔪᓂᒃ ᓄᐃᑕᑎᑦᓯᒐᒥᒃ ᓯᑦᔭᖓᓂ ᖃᕙᙵᓂᖓᓂᐅᓂᕐᓴᒦᑦᑐᒥᒃ. ᑕᒫᓂ ᐅᔭᕂᓐᓇᐅᒥᔪᖅ ᑕᕆᐅᕐᒧᑦ ᓵᙵᔪᐃᑦ ᐃᓚᖓᑎᒍᑦ ᐊᑭᓐᓇᖃᕐᓱᑎᒃ ᐃᓐᓈᕈᕐᓂᒃ. ᑖᒃᑯᐊ ᕿᑭᕐᑌᑦ ᐅᖅᑯᐊᓕᓂᖃᕐᕕᐅᓲᑦ ᑎᒻᒥᐊᓄᑦ, ᐳᐃᔨᓄᓪᓗ ᕿᓚᓗᒐᕐᓄᓗ. 12 ᑭᓚᒦᑕᓂᒃ ᐅᖓᓯᓐᓂᖃᕐᑐᒥᒃ ᑰᑦᔪᐊᕌᐱᐅᑉ ᐃᓗᐊᓂ ᖁᕐᓗᑐᕐᑕᖃᕐᑐᖅ ᐊᒥᑕᐸᓄᑦᓯᒥᒃ ᐊᑎᓕᒻᒥᒃ.
ᑰᑦᔪᐊᕌᐱᒃ ᓄᓇᓕᐅᑦᓱᓂ ᓄᓇᕕᐅᑉ ᓯᕿᓂᖓᓂᓐᓂᐸᐅᕗᖅ. ᑖᓐᓇ ᒪᕐᕈᐃᓂᒃ ᐃᓗᕐᕈᓯᖃᕐᓱᓂ ᓄᓇᓕᒋᔭᐅᒻᒥᔪᖅ ᐃᓄᓐᓄᓗ ᐊᓪᓚᓄᓪᓗ. ᐊᓪᓓᑦ ᓄᓇᓕᖓ ᐊᑎᖃᕐᑐᖅ ᒍᐊᑉᒪᑰᔅᑐᐃᒥᒃ (ᕿᓚᓗᒐᓕᐅᓂᕂᔪᒥᒃ ᐊᓪᓚᑎᑐᑦ) ᑖᓐᓇ ᓄᓇᓕᒃ ᐃᓕᑕᕆᔭᐅᓂᒃᑯᑦ ᐊᑦᓯᑕᐅᓯᒪᒻᒥᔪᖅ ᐃᒣᑦᑐᒥᒃ ᓕᐅᑎᕿ-ᖁᕿ-ᓗᖑ-ᕼᖑᓗᕿᓂᓴᕿ ᑲᓇᑕᒥ ᐱᖓᓱᐃᓕᖓᔪᒥᒃ ᐊᑎᖃᕐᑐᖅ ᐊᓯᖃᓪᓗᐊᖏᒻᒪᕆᑦᓱᓂ.
ᐃᓄᐃᓪᓗ ᐊᓪᓓᓗ ᓯᕗᓪᓕᕆᓯᒪᔭᖏᑦ ᓇᔫᑎᓯᒪᓕᕐᑐᑦ ᑕᒪᑦᓱᒥᖓ ᓄᓇᒥᒃ 2800-ᒐᓚᓐᓂᒃ ᐅᑭᐅᓂᒃ. 1700 ᐊᕐᕌᒍᖏᓐᓃᑎᓪᓗᒋᑦ ᒪᙯᑦᑏᑦ ᑕᒫᓂᓕᒫᖅ ᐊᐅᓚᖃᑦᑕᑐᕕᓃᑦ ᑕᒻᒫᓯᒪᕕᖃᖃᑦᑕᓱᑎᒃ ᑕᓯᐅᔭᕐᔪᐊᒥ 9Rᓂᖃᓱᒪᓕᓴᖁ (ᒥᓗᑯ0, ᕿᓚᓗᒐᕐᓯᐅᕕᒻᒥᓗ ᑰᑦᔪᐊᕌᐱᒻᒥᓗ. ᖃᑦᓴᓐᐯᒃᑯᑦ ᓂᐅᕕᕐᓂᐊᕕᒻᒥᒃ ᓇᑉᐯᔪᕕᓃᑦ 1820-ᖑᑎᓪᓗᒍ ᐅᓪᓗᒥ ᑰᑦᔪᐊᕌᐱᐅᑉ ᐃᓂᒋᓕᕐᑕᖓᓃᑦᓱᑎᒃ. ᑕᒡᒐᓂ ᓂᐅᕕᕐᓂᐊᕕᒻᒥ ᐱᓇᓱᐊᒐᖃᓗᐊᖑᐊᑐᕕᓃᑦ ᕿᓚᓗᒐᓕᕆᓂᕐᒥᒃ ᑮᓇᐅᔭᓕᐅᕈᑎᑦᓴᐅᔪᓂᒃ ᑕᐅᕐᓰᑲᑦᑕᕕᐅᑦᓱᓂᓗ ᒥᖅᑯᓕᓐᓂᒃ. ᐊᖓᓕᑲᒃᑯᑦ ᑐᑦᓯᐊᕕᒻᒥᒃ ᓇᑉᐯᓕᕐᓂᒥᔪᑦ 1882-ᒥ ᑲᑕᓕᒃᑯᓗ 1890-ᒥ.
ᑲᕙᒪᑐᖃᒃᑯᑦ ᓯᓚᓐᓂᐊᕕᓕᐅᕐᑐᕕᓃᑦ ᑰᑦᔪᐊᕌᐱᒻᒥ 1895-ᖑᑎᓪᓗᒍ, ᐱᒍᑦᔨᓕᑌᓐᓇᑐᕕᓂᐅᒻᒥᓱᑎᒃ ᐊᓐᓂᐊᓂᓕᕆᓂᒃᑯᑦ ᐳᓖᓯᖃᕐᓂᑯᓪᓗ ᐳᑭᕐᑕᓕᓐᓄᑦ 1950 ᐊᕐᕌᒍᖏᑦ ᑎᑭᓚᐅᕐᑎᓇᒋᑦ.
ᓄᓇᓕᖓᑦ ᐱᕙᓪᓕᐊᓯᔪᕕᓂᖅ 1930 ᐊᕐᕌᒍᖏᑦ ᐃᓱᓕᓕᕐᑎᓗᒋᑦ. ᐅᓇᑕᕐᓂᔪᐊᖃᕐᑎᓗᒍ ᑐᖓᓕᕆᓕᕐᑕᖓᓂᒃ, ᐊᒥᐊᔨᑲᒥᐅᑦ ᑰᑦᔪᐊᕌᐱᒻᒥ ᒥᕝᕕᓕᐅᕐᑐᕕᓃᑦ ᑲᓇᑕᐅᑉ ᑲᕙᒪᖓᓅᓯᔭᕕᓂᕐᒥᓂᒃ 1948-ᒥ. ᑖᓐᓇ ᒥᕝᕕᒃ ᐊᐅᓚᑦᓯᕕᐅᓐᓂᒥᔪᖅ ᑲᓇᑕᐅᑉ ᕿᑎᖓᒍᑦ ᓴᐳᓐᓂᐊᕈᑎᒥᒃ ᐅᓇᑕᕐᑎᓄᑦ ᖃᐅᔨᒪᒍᑎᐅᓲᓂᒃ ᓴᓇᔭᕕᓂᐅᑎᓪᓗᒋᑦ 1955-ᒥ ᑕᕆᐅᕐᔪᐊᑉ ᓯᑦᔭᖓᓂᑦ ᐱᒋᐊᕐᓱᑎᒃ ᑕᓯᐅᔭᕐᔪᐊᑯᑦ 55 ᐃᑲᖓᔫᑉ ᓇᓛᒍᕐᑐᓂᒃ. ᑰᑦᔪᐊᕌᐱᒻᒥᐅᑦ ᐃᓄᐃᑦ ᐃᑭᓪᓕᒋᐊᕐᑐᒪᕆᐅᓚᐅᔪᑦ 1985-ᒥ ᐊᒥᓱᒻᒪᕇᑦ ᐃᓚᒌᖑᔪᑦ ᐱᐅᖏᑐᒥᒃ ᓱᕐᕋᑕᐅᓂᐊᖒᓯᑦᓱᑎᒃ ᑰᑦᔪᐊᕌᐱᐅᑉ ᑰᖓ ᐃᑯᒪᓕᐅᕐᕕᐅᓕᑐᐊᕐᐸᑦ, ᑐᑭᑖᑐᐊᕐᒪᑕ ᓄᑦᑎᕈᒪᓕᕐᓱᑎᒃ ᐅᒥᐅᔭᕐᒧᑦ, ᐊᓯᐊᓄᑦ ᐃᓄᐃᑦ ᓄᓇᓕᖓᓄᑦ ᑰᑦᔪᐊᕌᐱᒻᒥᑦ 160 ᑭᓚᒦᑕᓂᒃ ᐅᖓᓯᓐᓂᖃᕐᑐᒥᒃ.
ᑕᑯᒥᓇᕐᑐᖁᑎᖏᑦ
ᕿᑭᕐᑌᑦ ᓄᓇᖃᕐᓱᓂ ᐊᔪᒉᑦᑐᒥᒃ ᐅᒪᔪᖃᑦᓯᐊᓱᓂᓗ.
ᐊᒥᑕᐸᓄᑦᓯᐅᑉ ᖁᕐᓗᑐᖏᑦ
ᑐᑦᓯᐊᕕᕕᓂᕐᒥ ᐃᐊᑎ ᐅᐃᑖᓗᑦᑑᑉ ᓴᓇᙳᐊᑕᕕᓂᖓ ᑲᔦᑦᑑᓯ ᑰᑦᔪᐊᕌᐱᐅᑉ ᑰᖓᒍᑦ ᐱᓱᙳᐊᑐᖅ.
ᐊᓯᒪᐅᑕᖅ ᐃᓕᓐᓂᐊᕕᒃ ᓄᐊᓯᒪᔭᖏᑦ ᐃᓄᐃᑦ ᓴᓇᙳᐊᑕᕕᓂᖏᑦ ᒥᖑᐊᕐᓯᒪᔭᖏᓪᓗ ᐃᐊᑎ ᐅᐃᑖᓗᑦᑐᒧᑦ.
ᑕᑯᒥᓇᕐᑐᖁᑎᖏᑦ
- ᕿᑭᕐᑌᑦ ᓄᓇᖃᕐᓱᓂ ᐊᔪᒉᑦᑐᒥᒃ ᐅᒪᔪᖃᑦᓯᐊᓱᓂᓗ.
- ᐊᒥᑕᐸᓄᑦᓯᐅᑉ ᖁᕐᓗᑐᖏᑦ
- ᑐᑦᓯᐊᕕᕕᓂᕐᒥ ᐃᐊᑎ ᐅᐃᑖᓗᑦᑑᑉ ᓴᓇᙳᐊᑕᕕᓂᖓ ᑲᔦᑦᑑᓯ ᑰᑦᔪᐊᕌᐱᐅᑉ ᑰᖓᒍᑦ ᐱᓱᙳᐊᑐᖅ.
- ᐊᓯᒪᐅᑕᖅ ᐃᓕᓐᓂᐊᕕᒃ ᓄᐊᓯᒪᔭᖏᑦ ᐃᓄᐃᑦ ᓴᓇᙳᐊᑕᕕᓂᖏᑦ ᒥᖑᐊᕐᓯᒪᔭᖏᓪᓗ ᐃᐊᑎ ᐅᐃᑖᓗᑦᑐᒧᑦ.