![Adamie Delisle Alaku](http://dev.makivik.org/wp-content/uploads/2013/02/Adamie-Delisle-Alaku_VP_RDD.jpg)
Vice President
Resource DevelopmentMakivik Executive
ᐋᑕᒥ ᑐᓖᓪ ᐊᓚᑯ ᐃᓅᓕᕐᑐᕕᓂᖅ ᔫᓂ 28, 1981-ᒥ. ᐳᕐᑐᓂᕐᓴᒥ ᐃᓕᓐᓂᐊᕇᕈᑎᑖᕐᑐᕕᓂᖅ ᖕᓪᓪᓪ-ᒍᑎᓪᓗᒍ ᐃᑯᓯᐅᑉ ᐳᕐᑐᓂᕐᓴᓄᑦ ᐃᓕᓐᓂᐊᕕᖓᓂ ᓄᓇᓕᒻᒥᓂ ᓴᓪᓗᓂ. ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᕆᐊᓪᓚᓯᓐᓂᒥᔪᖅ ᒫᕆ ᕕᒃᑐᐊᕃᖕᒥ ᒪᓐᑐᔨᐊᒥ 1999-ᒥᑦ 2002-ᒧᑦ, ᐋᑉᐳᖓᐃᕐᓴᓂᕐᒨᓕᖓᔪᓂᒃ ᐃᓅᑦᔪᓯᓕᕆᓂᕐᒧᓗ ᐃᓕᓐᓂᐊᓱᓂ. ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᕇᕋᒥ, ᐋᑕᒥ ᐱᓇᓱᓯᓐᓂᒥᔪᖅ ᐅᔭᕋᓐᓂᐊᓂ ᑮᐅᐃᑦ ᓄᕗᒻᒥᐅᓂᒃ ᐱᓇᓱᕝᕕᖃᕐᓱᓂ, ᓯᕗᓪᓕᒥ ᐱᓇᓱᑦᑎᓕᕆᕕᒻᒥ ᐊᑕᐅᑦᓯᑰᕐᑎᓯᔨᐅᑦᓱᓂ ᐊᕐᕌᒍᓂ ᓯᑕᒪᐅᔪᖕᖏᒐᕐᑐᓂ ᑭᖑᓂᖓᒍᑦ ᐊᖓᔪᕐᖄᕆᔭᐅᓯᒻᒥᓱᓂ ᐊᕐᕌᒍᓂ ᐱᖓᓱᓂ ᓄᓇᐅᑉ ᖄᖓᓂ ᐅᔭᕋᓐᓂᐊᑐᓄᑦ. ᒪᑭᕝᕕᒃᑯᓐᓂ ᐱᓇᓱᓚᐅᕋᓂ, ᐋᑕᒥ ᑲᒪᔨᒻᒪᕆᐅᓐᓂᒥᔪᖅ ᓴᓪᓗᓂ ᐃᓚᒌᓴᒃᑯᑦ ᓯᓂᑦᑕᕕᖁᑎᖓᓂ, ᐃᒻᒥᓂᓪᓗ ᑐᓂᓯᒪᓂᒃᑯᑦ ᐃᑯᐊᓪᓚᑐᕐᓂᐊᑎᐅᖃᑕᐅᑦᓱᓂ ᐅᐃᒪᓇᕐᑐᓕᕆᔨᒃᑯᓂᓪᓗ ᐃᓚᐅᑦᓱᓂ ᐊᕐᕌᒍᓂ ᓯᑕᒪᐅᔪᖕᖏᒐᕐᑐᓂ.
ᐋᑕᒥ ᒪᑭᕝᕕᑯᓐᓅᓕᕐᑐᕕᓂᖅ ᐅᐱᕐᖓᓴᕐᐸᓕᐊᓯᑎᓪᓗᒍ 2011-ᒥ ᐳᕐᑐᓂᕐᓴᐃᑦ ᑲᑎᒪᔨᖏᑦᑕ ᐃᓚᖓᓐᓄᑦ ᔮᓂ ᐱᑕᒧᑦ ᐃᑲᔪᕐᑎᑖᕆᔭᐅᑦᓱᓂ. ᑕᕝᕙᓂ ᐃᓂᒦᑦᓱᓂ ᑐᑭᓯᒪᓂᕐᑖᓯᐊᕐᓯᒪᔪᖅ ᐆᒪᔪᓕᕆᓂᕐᒧᑦ ᐱᑦᔪᑎᓂᒃ ᐊᑦᔨᒌᖕᖏᑐᓂᓪᓗ ᓵᖕᖓᖃᑦᑕᕆᐊᓕᓐᓂᒃ ᓄᑕᐅᓯᓕᕈᓐᓇᑐᓂᒃ ᐱᑦᓴᖑᕈᓐᓇᑐᓕᕆᓂᕐᒥ ᓄᓇᕕᒻᒥᐅᓄᑦ ᐃᓄᓐᓄᑦ ᐊᑦᑐᐊᔪᓂᒃ. ᐊᕐᓱᕉᑎᖃᕐᓂᒥᓂᒃ ᓄᐃᑕᑎᑦᓯᓯᐊᓲᖅ ᓄᓇᕕᒻᒥᐅᓂᒃ ᑐᓴᕐᑕᐅᑎᑦᓯᒐᓱᐊᕐᓱᓂ ᑭᒡᒐᑐᕐᑕᐅᑎᑦᓯᓯᐊᕋᓱᐊᕐᓱᓂᓗ ᓄᓇᕕᐅᑉ, ᑲᓇᑕᐅᑉ, ᓄᓇᕐᔪᐊᒥᐅᒍᖃᑎᒌᓪᓗ ᐱᓇᓱᓐᓂᖏᓐᓄᑦ. ᐅᓪᓗᒥ ᐃᓚᒋᔭᐅᔪᖅ ᒪᖃᐃᓐᓂᒧᑦ ᐃᖃᓗᓐᓂᐊᓂᕐᒧᑦ ᒥᑭᒋᐊᕐᓂᐊᓂᕐᒧᓗ ᑲᑎᒪᔨᓄᑦ ᐃᓚᐅᕕᒋᓕᕐᓱᒍᓗ ᐊᕐᕌᒍᓂ ᓯᑕᒪᓂ ᐊᓂᒍᕐᑐᓂ. ᐅᖓᕙᒥ ᓄᓇᓕᑐᖃᑦᓴᔭᐃᑦ ᑐᒃᑐᓕᕆᓂᕐᒧᑦ ᑲᑎᑦᑕᕕᖓᓂ ᐊᖓᔪᕐᖄᒧᑦ ᑐᖓᓕᕆᔭᐅᒻᒥᔪᖅ ᐃᓚᒋᔭᐅᒻᒥᓱᓂᓗ ᖃᓯᒋᐊᓕᓐᓂᒃ ᐅᓄᕐᓯᐅᒥᑎᑦᓯᒐᓱᐊᕐᓂᒧᑦ ᐱᓇᓱᖃᑎᒌᓂ.
ᐳᕐᑐᓂᕐᓴᓂ ᐊᖓᔪᕐᖄᒧᑦ ᑐᖓᓕᕆᔭᐅᑦᓱᓂ ᓄᑕᐅᓯᓕᕈᓐᓇᑐᓂᒃ ᐱᑦᓴᖑᕈᓐᓇᑐᓕᕆᓂᕐᒥ, ᐱᔭᑦᓴᖏᑦ ᐃᓚᖃᕐᒥᔪᑦ ᒪᑭᕝᕕᐅᑉ ᑎᒥᐊᕈᖁᑎᖏᓐᓂ ᓇᒻᒥᓂᖃᖃᑕᐅᕕᖏᓐᓂᓗ ᑲᑎᒪᔨᐅᖃᑕᐅᓂᕐᒥᒃ. ᐃᓚᐅᑎᓪᓗᒋᑦ ᐃᓄᐃᑦ ᖃᖓᑦᑕᔫᖏᑦ, ᐳᔮᑦᓕ ᖃᖓᑦᑕᔫᓕᕆᔨᖏᑦ 9ᖃᐅᔨᒪᔭᐅᒍᑎᖃᕐᓂᓴᖅ ᕗᔅ ᐃᐊᒥᒃ0, ᓄᓇᕕᒻᒥ ᐱᓕᐊᕕᓂᕐᓄᑦ, ᖃᓪᓗᑎᒧᑦ, ᓄᓇᕕᒻᒥ ᓄᓇᖕᖑᐊᓕᕆᓂᕐᒧᑦ ᑎᑎᕐᑐᐃᓂᕐᒧᓗ, ᐅᖄᓚᐅᑎᐊᐱᓕᕆᓂᕐᒧᑦ ᓄᓇᓯᐊᓪ ᐊᒻᒪᓗ ᖃᐅᑕᖅ ᓴᓇᔩᓄᑦ.
ᐋᑕᒥ ᓲᓱᒋᔭᐅᑦᓯᐊᑐᖅ ᓄᓇᓕᖃᕐᕕᒋᔭᒥᓂ ᐊᓂᕐᕋᒥᓂ ᓴᓪᓗᓂ ᑭᓯᐊᓂ ᑰᑦᔪᐊᒥᐅᖑᓕᕐᑐᖅ ᐊᐃᑉᐸᖓᓗ ᕕᑭ ᕿᑐᕐᖓᒋᓪᓗ ᒪᕐᕉᒃ ᓚᐃᓇᔅᓗ, ᓗᐃᔅᓗ. ᐱᔭᕆᓯᒪᔭᖏᓐᓄᑦ ᐊᒥᓱᓄᑦ ᐃᓚᒋᔭᐅᒋᕗᖅ ᑯᑯᔭᒐᓛᒐᓂ ᐱᖓᓱᓂᒃ ᐅᖃᐅᓯᕐᓂᒃ ᐊᑐᕈᓐᓇᓂᖓ 9ᐃᓄᒃᑎᑐᑦ, ᐅᐃᒍᐃᑎᑐᑦ, ᖃᓗᓈᑎᑐᓪᓗ0 ᑐᓴᕐᓂᔮᕐᑎᓯᔨᐅᒻᒥᓱᓂᓗ.
ᓂᕈᐊᕐᑕᐅᓯᒪᓂᕐᒥᒍᑦ ᒪᑭᕝᕕᑯᓐᓂ, ᐋᑕᒥ ᑐᓂᓯᒪᕗᖅ ᓄᓇᕕᒻᒥᐅᑦ ᐱᔪᑦᓴᐅᔮᕈᑎᖏᓐᓂᒃ ᑭᒡᒐᑐᕈᑎᖃᑦᓯᐊᕈᒪᓂᕐᒥᒃ ᐃᓗᒡᒍᓯᕐᒥᒍᑦ ᓄᓇᒧᑦ ᐱᑐᑦᓯᒪᓂᖏᑦ ᐱᑦᔪᑎᒋᑦᓱᒋᑦ ᐊᒻᒪᓗ ᓄᓇᕕᒻᒥ ᓄᑕᐅᓯᓕᕈᓐᓇᑐᓂᒃ ᐱᑦᓴᖑᕈᓐᓇᑐᓕᕆᓂᖅ ᐱᑦᔪᑎᒋᑦᓱᒍ.