ᑰᔾᔪᐊᖅ, ᑯᐯᒃ – ᒫᑦᔨ 5, 2018 – ᐃᕙᒃᑲᓂᖅ 2018-ᒥ 17-ᒋᔭᐅᓚᖓᓕᕐᑐᖅ ᓄᓇᕕᒻᒥ ᕿᒧᑦᓯᓄᑦ
ᓱᑲᓕᐅᑎᕕᐅᓗᓂ. ᑕᒡᒐᓂ ᐊᕐᕌᒍᕐᒥ ᑕᕐᕋᒧᑦ ᑐᕌᓚᖓᔪᑦ ᐅᖓᕙᐅᑉ ᐊᑐᐊᕐᓂᑯᕕᖓᑕ ᓯᑦᔭᖓᒍᑦ
ᐱᒋᐊᕐᓗᑎᒃ ᑕᓯᐅᔭᕐᒥ ᐊᓪᓕᕇᕐᑐᓂ ᒫᑦᔨ 19, 2018-ᒥ ᐊᒻᒪᓗ ᐃᓱᓕᕝᕕᖃᓛᕐᓱᓂ ᑲᖏᕐᓱᔪᐊᒥ. ᑕᒪᓐᓇ
ᓱᑲᓕᐅᑎᓂᖅ ᐊᕐᖁᓵᕐᕕᖃᓚᖓᔪᖅ ᓄᓇᓕᓐᓂᒃ ᐊᐅᐸᓗᒃ, ᑲᖏᕐᓱᒃ ᐊᒻᒪᓗ ᖁᐊᕐᑕᖅ. ᓱᑲᓕᐅᑎᔪᐃᑦ
ᑲᔪᓯᑦᓯᐊᑐᐊᕐᐸᑕ ᐃᓱᓕᓐᓂᐊᖒᕆᔭᐅᓚᖓᔪᖅ ᒫᑦᔨ 28, 2018-ᒥ.
ᓇᑯᕐᒪᑕ ᓄᑖᖑᑦᓱᑎᒃ ᐃᕙᒃᑲᓂᕐᒥᒃ ᐃᑲᔪᕐᓯᖃᑕᐅᓲᖑᓕᕐᑐᑦ, ᐊᑐᓂᑦ ᓄᓇᓖᑦ ᐊᕐᖁᓵᕐᕕᐅᖃᑦᑕᓂᐊᕐᑐᑦ
ᓱᓇᓱᐊᕐᑎᓯᖃᑦᑕᓚᖓᓕᕐᑎᓗᒋᑦ. ᓄᓇᑐᕐᓕᒃ ᓄᓇᒥᒃ ᑎᒍᒥᐊᕐᑎᖏᑦ ᐊᒻᒪᓗ ᑕᕐᕋᒥᐅᑦ ᓄᓇᓕᖓᑦ
ᑲᖏᕐᓱᔪᐊᒥ ᐱᓇᓱᐊᕐᑐᒪᕆᐅᖃᑦᑕᑐᑦ ᐸᕐᓇᓱᑎᒃ ᓱᓇᓱᐊᕐᑕᐅᓂᖃᓛᕐᑐᓂᒃ ᐱᔭᕇᕐᕕᖏᓐᓄᑦ ᓱᑲᓕᐅᑎᔪᐃᑦ
ᑎᑭᓕᕐᐸᑕ.
ᐃᕙᒃᑲᒧᑦ ᓄᑖᖃᓕᕐᒥᔪᖅ ᑕᒡᒐᓂ ᐊᕐᕌᒍᕐᒥ ᖃᕆᑕᐅᔭᒃᑯᑦ Facebook ᓵᓚᖃᓕᐅᑎᑎᑦᓯᓂᕐᒥᒃ.
ᓄᐃᑕᐅᒪᔪᕐᒥᒃ ᐃᒻᒥᒎᕐᑐᑯᑦ ᓄᐃᑕᐅᑎᑦᓯᓕᑐᐊᕈᑎᒃ ᓇᓚᐅᑦᓵᖃᑕᐅᒍᓐᓇᓯᖃᑦᑕᓂᐊᕐᑎᓗᒋᑦ ᖃᖓᑦᑕᐅᑎᒥᒃ
ᑲᖏᕐᓱᔪᐊᓕᐊᕈᑎᒥᒃ ᑕᑯᓐᓇᕆᐊᕐᓗᓂ ᐃᕙᒃᑲᑐᓂᒃ ᐱᔭᕇᕐᑐᓂᒃ. ᑖᒃᑯᐊ ᐃᓚᖃᕐᓂᐊᓱᑎᓪᓗ
ᓯᓂᑦᑕᐅᑎᖏᓐᓂᒃ ᐱᖓᓱᓄᑦ ᐅᓐᓄᓄᑦ ᐊᒻᒪᓗ ᓂᕆᒍᑎᑦᓴᖏᓐᓂᒃ. ᑖᓐᓇ ᐅᒃᑯᐃᖓᕐᑎᑕᐅᓚᖓᑦᓱᓂᓗ
ᑯᐯᒃᒥᐅᓄᑦ 18–ᓂᒃ ᐅᖓᑖᓄᓪᓗ ᐅᑭᐅᓕᓐᓄᑦ. ᑕᒪᓐᓇ ᐃᓱᓕᕝᕕᖃᓛᕐᑐᖅ ᒫᑦᔨ 9, 2018-ᒥ 4:00-
ᖑᐸᑦ ᐅᓐᓄᓴᒃᑯᑦ. ᑐᑭᓯᒋᐊᓪᓚᕈᒪᔪᖃᕐᐸᑦ ᖃᕆᐅᑕᔭᒃᑯᑦ ᑕᑯᒋᐊᕐᑕᐅᒍᓐᓇᑐᖅ ᐅᕙᓂ:
2018-ᒥ ᐃᕙᒃᑲᒥᒃ ᑐᑭᒧᐊᑦᑎᓯᔨᒻᒪᕆᖃᓚᖓᔪᑦ ᐊᓐᑐᔫ ᐃᐳᒥᒃ, ᑖᓐᓇᓗ ᓵᓕ ᐊᓚᑯ, ᐊᕐᖁᓯᓂᖏᓐᓂᒃ
ᑐᑭᒧᐊᑦᑎᓯᔨᐅᑎᓪᓗᒍ ᐊᒻᒪᓗ ᔮᓂ ᐅᕝᕙᐅᑦ ᓱᑲᓕᐅᑎᔪᓄᑦ ᐳᓖᓯᖕᖑᐊᕆᔭᐅᓂᐊᕐᑎᓗᒍ. ᑖᒃᑯᐊ
ᐃᓚᖃᑦᓴᖏᔦᓚᖓᒻᒥᔪᑦ ᕿᒻᒦᑦ ᐊᓐᓂᐊᓯᐅᕐᑎᖓᓂᒃ, ᐃᕙᒃᑲᓕᕆᔨᓂᒃ, ᖃᐅᔨᒪᔨᓂᒃ ᓴᐳᒻᒥᔨᓂᓪᓗ
ᑕᒪᒃᑯᓂᖓ ᓱᑲᓕᐅᑎᔪᓂᒃ ᖃᓄᐃᖏᓯᐊᕐᑎᓯᒐᓱᐊᕐᓂᐊᑐᓂᒃ ᐊᑦᑕᓇᖕᖏᑐᒥᑦᑎᓯᑦᑌᓕᓗᑎᓪᓗ ᐊᒻᒪᓗ
ᓱᑲᓕᐅᑎᓂᖅ ᑌᒪᑦᓯᐊᓂᖃᕐᑎᓗᒍ.
“ᐊᑕᐅᓯᕆᐊᓪᓚᒥᒃ ᕿᒧᑦᓯᑎᑖᕐᓯᒪᓕᕐᑐᒍᑦ ᐊᕐᕌᓂᐅᓚᐅᔪᑎᓗᒍ ᐊᒻᒪᓗ ᓄᑖᓂᒃ ᓱᑲᓕᐅᑎᓂᕐᒧᑦ
ᐃᓚᐅᔪᖃᓚᖓᓕᕐᒥᓱᓂ. ᐃᓚᖏᑦ ᓱᑲᓕᐅᑎᓲᑐᖃᐅᖃᑦᑕᓯᒪᓕᕐᑐᑦ ᐃᓚᐅᓚᖓᒋᐊᒥᓂᒃ ᓇᓗᓀᕐᓯᓯᒪᒍᓐᓀᒥᔪᑦ
ᑕᒡᒐᓂ ᐊᕐᕌᒍᕐᒥ. ᑕᒪᒃᑯᐊ ᓄᑖᑦ ᐃᕙᒃᑲᓂᕐᒧᑦ ᐃᓚᐅᒪᖓᓕᕐᑐᐃᑦ ᓄᐃᑕᑎᑦᓯᒪᑕ ᐊᒥᓱᒻᒪᕆᓐᓂᒃ
ᓄᓇᕕᒻᒥᐅᓂᒃ ᕿᒻᒥᓕᐅᕐᑐᖃᓕᕆᐊᖓᓂᒃ ᕿᒧᑦᓯᕈᑎᑦᓴᓂᒃ. ᐱᔪᕆᐅᑎᓂᕐᓴᐅᕙᓪᓕᐊᖃᑦᑕᑐᒍᑦ ᐊᕐᕌᒍᑕᒫᑦ
ᐅᑎᕐᑎᓯᓯᒪᓕᕐᓂᑎᓐᓄᑦ ᑕᒪᑦᓱᒥᖓ ᐱᐅᓯᑐᖃᐅᓯᒪᔪᒥᒃ ᐊᓯᐅᔨᔭᐅᑲᓴᑦᓯᐊᓚᐅᔪᒥᒃ ᑌᑦᓱᒪᓂᒋᐊᖅ ᐊᕐᕌᒍᐃᑦ
ᐊᒥᓱᓪᓗᐊᖏᑦᑐᑦ ᖄᖏᕐᓯᒪᓕᕐᑎᓗᒋᑦ. ᐱᔪᕆᐅᑎᖃᕐᐳᖓ ᑕᑯᑎᑕᐅᒋᐊᒥᒃ ᓴᐳᒻᒥᔭᐅᓂᑦᑎᓄᑦ ᑕᒪᒃᑯᓄᖓ
ᐱᓇᓱᐊᖃᑎᑦᑎᓄᑦ ᑕᒪᓐᓇ ᐊᕐᕌᒍᑕᒫᑦ ᐱᒻᒪᕆᐅᓂᖃᕐᓱᓂ ᐱᕙᓪᓕᐊᑎᑕᐅᓲᖑᓕᕐᒪᑦ ᐊᒻᒪᓗ ᓂᕆᐅᓐᓂᐊᓱᑕ
ᐊᖏᓕᓕᐅᒥᕙᓪᓕᐊᓚᖓᒋᐊᖓ ᐃᕙᒃᑲᓂᖅ,” ᑌᒣᓕᑦᓱᓂ ᐅᖃᓚᐅᔪᕗᖅ ᐋᓐᑎ ᒧᐊᖃᐅᔅ, ᐊᖓᔪᕐᖄᑉ
ᑐᖓᓕᖓ ᒪᑭᕝᕕᑯᓂ ᑲᒪᒋᔭᖃᕐᓱᓂ ᒪᑭᑕᒐᓱᐊᕐᓂᒥᒃ ᐱᕙᓪᓕᐊᑎᑦᓯᒐᓱᐊᕐᕕᖓᓂᒃ (ᐃᓚᖃᕐᑐᒥᒃ
ᐃᕙᒃᑲᓕᕆᓂᕐᒥᒃ).
ᐊᕐᕌᓂᐅᑎᓪᓗᒍ ᐃᕙᒃᑲᓂᕐᒥᒃ ᓵᓚᖃᓚᐅᔪᑦ ᐅᓇ ᐁᓴ ᓱᕈᓯᓛᖅ, ᓯᕗᓪᓕᐸᐅᑎᓪᓗᒍ, ᐱᑕ ᐳᐃ ᐃᑦᑐᑲᓪᓚᒃ
ᑐᖓᓕᕆᔭᐅᑎᓪᓗᒍ ᐊᒻᒪᓗ ᒍᐃᓕ ᑫᓐ ᓄᑲᕐᓯᖅ ᐱᖓᔪᒋᔭᐅᑎᓪᓗᒍ. ᑖᒃᑯᐊ ᓱᑲᓕᐅᑎᓂᐊᕐᑐᐃᑦ
ᓇᓃᓕᕐᒪᖔᑕ ᖃᕆᑕᐅᔭᒃᑯᑦ ᑕᑯᑦᓴᐅᑎᑕᐅᖃᑦᑕᓚᖓᒻᒥᔪᑦ ᐅᕙᓂᖓᓂ: http://www.ivakkak.com
ᑕᒡᒐᓂ ᐊᕐᕌᒍᕐᒥ ᓱᑲᓕᐅᑎᓂᐊᕐᑐᑦ 14-ᖑᔪᑦ ᓇᓗᓀᕐᓯᓯᒪᓕᕐᑐᑦ ᓄᓇᕕᒻᒥᐅᓂᒃ. ᐅᑯᐊᖑᑦᓱᑎᒃ:
ᓱᑲᓕᐅᑎᔩᒃ 1: ᐋᓚᓐ ᑯᐊᑕ ᐊᒻᒪᓗ ᔮᓂ ᒪᖕᖏᖅ ᑰᑦᑐᖅ ᑰᔾᔪᐊᒥᐅᒃ
ᓱᑲᓕᐅᑎᔩᑦ 2: ᔮᓂ ᒣ ᓄᑲᕐᓯᖅ ᐊᒻᒪᓗ ᔩᑲ ᑫᓐ ᓯᓅᐸᓪ ᑰᔾᔪᐊᒥᐅᒃ
ᓱᑲᓕᐅᑎᔩᑦ 3: ᔮᔨ ᖃᐅᒃᑫ ᐊᒻᒪᓗ ᐅᔮᓄ ᓂᖏᐅᕈᕕᒃ-ᑑᓄ ᑰᔾᔪᐊᒥᐅᒃ
ᓱᑲᓕᐅᑎᔩᑦ 4: ᐋᓗᐸ ᖃᐅᒃᑫ ᐊᒻᒪᓗ ᔩᒥ ᖃᐅᒃᑫ ᑰᔾᔪᐊᒥᐅᒃ
ᓱᑲᓕᐅᑎᔩᑦ 5: ᒫᓯᐅ ᐋᕐᖓᖅ ᐊᒻᒪᓗ ᐸᐅᓕ ᖁᓰᖅ ᑲᖏᕐᓱᔪᐊᕐᒥᐅᒃ
ᓱᑲᓕᐅᑎᔩᑦ 6: ᓵᓐᑎ ᔮᑲᖅ ᐊᒻᒪᓗ ᐱᑕ ᐱ. ᕿᓰᖅ ᑲᖏᕐᓱᔪᐊᕐᒥᐅᒃ
ᓱᑲᓕᐅᑎᔩᑦ 7: ᒍᐃᓕ ᑫᓐ ᓄᑲᕐᓯᖅ ᐊᒻᒪᓗ ᑭᐊ ᓕᐳᕝ ᑕᓯᐅᔭᕐᒥᐅᒃ
ᓱᑲᓕᐅᑎᔩᑦ 8: ᐁᓴ ᓱᕈᓯᓛᖅ ᐊᒻᒪᓗ ᐁᐱᓕ ᖁᒫᓗᒃ ᐳᕕᕐᓂᑐᕐᒥᐅᒃ
ᓱᑲᓕᐅᑎᔩᑦ 9: ᔮᓂᒻᒪᕆᒃ ᐴᓐ ᐊᒻᒪᓗ ᐱᑕ ᓄᕙᓕᖕᖓᖅ ᐳᕕᕐᓂᑐᒥᐅᒃ
ᓱᑲᓕᐅᑎᔩᑦ 10: ᐸᐅᓗᓯ ᐴᓐ ᐊᒻᒪᓗ ᒧᔅᑕᕙ ᑎᑎᑦᓯᐊ ᐳᕕᕐᓂᑐᒥᐅᒃ
ᓱᑲᓕᐅᑎᔩᑦ 11: ᓄᕙᓕᖕᖓᖅ ᓄᕙᓕᖕᖓᖅ ᐊᒻᒪᓗ ᔪᐊᓂ ᐅᙯᑦᑐᖅ ᐳᕕᕐᓂᑐᒥᐅᒃ
ᓱᑲᓕᐅᑎᔩᑦ 12: ᖄᕆ ᐅᑉᐱᒃ ᐊᒻᒪᓗ ᒫᓯᐅ ᐁᕆ-ᐅᑉᐱᒃ ᖁᐊᕐᑕᒥᐅᒃ
ᓱᑲᓕᐅᑎᔩᑦ 13: ᐱᑕ ᐳᐃ ᐃᑦᑐᑲᓪᓚᒃ ᐊᒻᒪᓗ ᐃᐊᕆ ᐃᑦᑐᑲᓪᓚᒃ ᐳᕕᕐᓂᑐᒥᐅᒃ
ᓱᑲᓕᐅᑎᔩᑦ 14: ᐁᑐᐊ ᓘᑲᓯ ᐊᒻᒪᓗ ᔅᑏᕙᓐ ᐁᕈ ᑲᖏᕐᓱᒥᐅᒃ
ᑐᑭᓯᒋᐊᓪᓚᕈᒪᔪᖃᕐᐸᑦ ᐅᖃᓚᕕᐅᒍᓐᓇᑐᖅ ᐅᓇ:
ᐊᓐᑐᔫ ᐃᐳ
ᐃᕙᒃᑲᓂᕐᒥᒃ ᑐᑭᒧᐊᑦᑎᓯᔨᒻᒪᕆᖓᑦ
ᒪᑭᕝᕕ ᑯᐊᐳᕇᓴᖅ
ᐅᖄᓚᐅᑎᖓ: 819-964-2925
aepoo@makivik.org
www.ivakkak.com
<hr />
ᒪᑭᕝᕕᑯᑦ ᓄᓇᑖᕐᓂᒧᑦ ᑎᒥᖁᑎᒋᔭᐅᕗᑦ ᑎᓕᔭᐅᒪᑦᓱᑎᒃ ᑲᒪᒋᔭᖃᕆᐊᖃᕐᓗᑎᒃ ᓄᓇᕕᐅᑉ ᐃᓄᖏᑦᑕ
ᑮᓇᐅᔭᖁᑎᖏᓐᓂᒃ ᐊᑭᓕᕐᑕᐅᒪᒍᑎᖏᓐᓂᒃ ᑖᒃᑯᐊ ᔦᒥᔅᐯᒥᓗ ᑯᐯᒃ ᑕᕐᕋᖓᓂᓗ ᐊᖏᖃᑎᒌᓐᓂᖓᑦ.
ᒪᑭᕝᕕᑯᑦ ᐊᑑᑎᔭᐅᓂᖃᕐᒪᑕ ᐊᐅᓚᑦᓯᓂᓕᕆᔨᐅᒋᐊᖃᕐᓂᒥᒃ ᑮᓇᐅᔦᕈᑎᖃᕐᓗᑎᓪᓗ ᑖᒃᑯᓂᖓ
ᑮᓇᐅᔭᖃᕐᑎᑕᐅᒍᑎᓂᒃ ᑫᓪᓗᑐᐃᓗᑎᓪᓗ ᒪᑭᑕᒐᓱᐊᑉᓂᑯᑦ ᐱᕈᕐᓭᓂᕐᒥᒃ ᐃᑲᔪᕐᓯᓂᕐᒥᑎᒍᑦ
ᓄᐃᑦᓯᓂᕐᒥᑎᒍᓪᓗ ᐃᓄᓐᓄᑦ ᐊᐅᓚᑕᐅᓂᖃᕐᑐᓂᒃ ᐱᔅᓇᓯᓂᒃ ᓄᓇᕕᒻᒥ. ᒪᑭᕝᕕᑯᑦ
ᐊᓯᐅᑎᑦᓯᑌᓕᒪᓂᖃᓲᖑᕗᑦ ᐃᓄᐃᑦ ᐃᓗᕐᕈᓯᖓᓂᒃ ᐅᖃᐅᓯᖓᓂᓪᓗ ᐊᒻᒪᓗ ᐃᓄᐃᑦ ᓄᓇᓕᓐᓃᑐᑦ
ᖃᓄᐃᖏᓯᐊᕐᓂᖏᓐᓂᒃ, ᐱᕕᖃᕐᑎᑕᐅᑦᓯᐊᓂᖏᓐᓂᒃ, ᐊᑦᓱᔫᓂᕐᒥᒃ ᐃᑯᓪᓚᐅᒥᑎᑦᓱᒋᓪᓗ
ᐃᓕᓐᓂᐊᓂᖃᕐᑎᓱᒋᓪᓗ.